IETS OOR ONS

"Ons" is Willem en Wilna Botha, getroud in 1981, en die ouers van 'n seun en 'n dogter. Ons is wedergebore Christene wat die Here Jesus liefhet en dien.

Ons bedryf voltyds ons eie "silk screen printing"-besigheid en is betrokke in bedieninge waar ons deur die Here geroep is om ons verskillende gawes tot Sy eer en tot die uitbreiding van die Koninkryk te gebruik. Dit doen ons in nederigheid en in totale afhanklikheid van Hom en deur die werking van die Heilige Gees.

 

KLIK HIER VIR ONS KONTAKBESONDERHEDE >>

 


 

16 Julie 2014 : 100 000 besoeke vandag op www.heuning.co.za!

Vandag is 'n historiese dag. Die teller wys dat daar tot vandag (16 Julie 2014) 100 000 besoekers op www.heuning.co.za was (sien die foto van die teller soos wat dit vanoggend was hieronder)! Die webblad het in April 2008 die lig gesien en is deur Wilna geskep en sy hou dit self in stand. 'n Paar jaar gelede het die blad 'n "facelift" gekry en elke enkele bladsy het 'n nuwe baadjie gekry.

Die materiaal onder "Boodskappe" is geskryf terwyl Willem betrokke was by Rippel 90.5 en dit in 'n oggend oordenking gebruik het. In Junie 2012 het ons begin om daagliks, tot op hede, "Heuningdruppels" te skryf en op die webblad, sowel as op die Facebook groep geplaas.

Hier is 'n bietjie trivia oor die webblad:
Die lers op die foto hieronder bevat die oordenkings (Boodskappe) wat oor 'n tydperk van 9 jaar geskryf is.
Daar is 363 boodskappe, almal met die hand geskryf, waarna Wilna dit getik en op die Heuning webblad geplaas het.
Ongeveer 1850 A4 bladsye (handgeskryf)
Ongeveer 544 500 woorde (meer as 'n halfmiljoen)
Ongeveer 2.7 miljoen karakters. Hordes penne is oor daardie tyd leeg geskryf!
Daar is ook 63 Bybelstudie stukkies op Heuning, wat Wilna geskryf het terwyl ons by die vroue gevangenis in Pretoria betrokke was.
Daar is foto's en getuienisse van mannekampe, sowel as kampe vir gestremdes, waarmee ons tans steeds besig is.

Ons glo dat die Here in beheer is van hierdie blad, geinspireer deur die Heilige Gees en bid dat dit vir vele mense waardevol sal wees. Van die materiaal word deur verskeie mense gebruik en ons glo dat die inhoud getrou is aan Sy woord.

Willem & Wilna