www.heuning.co.za is ....
... 'n rusplekkie, 'n kuierplekkie, weg van die sorge van die lewe, weg van
die gejaag en gewoel en gewerskaf, weg van al die gestoei om te oorleef.
Hier kan jy soet druppels uit 'n heuningkoek kom kry, en versadig word met
heuning uit 'n rots, dié Rots, Jesus Christus.
Ons wil jou uitnooi om rustig te kuier en weer en weer terug te kom.
uit hierdie heuningkoek ...
So
met die verloop van tyd het ons deur ons betrokkenheid in verskillende
bedieninge baie heuningdruppels versamel. Ons wil dit alles hier in een
heuningkoek uitgiet. Ons gebed is dat dit ook vir JOU iets sal beteken in
jou stap met die Here, in jou stilword by Jesus se voete ....
"Mag elke woord wat uit my mond kom wees soos heuning
En mag gedagtes uit my hart wees soos die môredou
Elk’ onuitgesproke woord en elke saak wat ek bedink,
Mag dit aangenaam en sinvol wees voor u aangesig o Heer
Want U's my God, U’s my Redder, U’s my vrede.
U’s die rots waarop ek bou en waar ek skuiling vind
U is my kompas, U Woord gee rigting wanneer ek verlore raak.
Daarom is dit my gebed dat wat ek dink of wat ek praat
Welbehaaglik voor U aangesig sal wees." (uit Flam Gemeentesang, Ioannis Dekas)
Ps
81:17 "Maar vir julle sal Hy ... versadig met heuning uit 'n
rots"
Ps 19:12 "Die bepalings van die Here is reg ... soeter as heuning,
as druppels uit 'n heuningkoek"
Deut 32:13 "Die Here het ... hom heuning uit klipskeure laat
geniet"