|
|
||||||||||||||||||
|
IETS OOR ONS "Ons" is Willem en Wilna Botha, getroud in 1981, en die ouers van 'n seun en 'n dogter. Ons is wedergebore Christene wat die Here Jesus liefhet en dien. Ons bedryf voltyds ons eie "silkscreen printing"-besigheid en is betrokke in bedieninge waar ons deur die Here geroep is, om ons verskillende gawes tot Sy eer en tot die uitbreiding van die Koninkryk te gebruik. Dit doen ons in nederigheid en in totale afhanklikheid van Hom en deur die werking van die Heilige Gees. WILLEM Ek is
sedert November 2004 betrokke by Rippel 90.5 waar ek elke Woensdag om 05h30 'n oordenking lei op
die program "'n Nuwe dag". Al hierdie gesprekke kan gevind word
onder die skakel "NUWE DAG GESPREKKE". Ek is ook verder betrokke
by die organiseer en aanbied van mannekampe, en van die lesings wat ek al
voorberei het vir die manne is onder die skakel "MANNEKAMP
LESINGS". WILNA Ek was
van Junie 2002 tot November 2011 betrokke by 'n bediening in die Pretoria Vrouegevangenis
waar ek weekliks die EEIII-program / bybelstudie aangebied het. Ek en Willem
was saam betrokke
by die aanbieding van 'n kerkdiens op Sondae vir die vroue, waar ons die
lofprysing gelei het en saam met 'n span beurte gemaak het om 'n boodskap te gee.
|
||||||||||||||||||
